Ekspert për çështjet e DHBGJ

Pozicioni / Shërbimi:	Ekspert për çështjet e Dhunës me Bazë Gjinore
Titulli i projektit:	Forcimi i Reagimit ndaj Dhunës me Bazë Gjinore në Sistemin e Kujdesit Shëndetësor Parësor në Shqipëri
Lloji i kontratës:	Kontratë shërbimi
Afati kohor:	1  Tetor 2025
Dite pune:	12 ditë pune

Qendra ALTRI po zbaton projektin “Forcimi i Reagimit ndaj Dhunës me Bazë Gjinore në Sistemin e Kujdesit Shëndetësor Parësor në Shqipëri!”si pjesë e skemës së nëngranteve të projektit “Përparimi i Barazisë Gjinore përmes Mbikëqyrjes dhe Raportimit”, me mbështetje financiare nga Bashkimi Evropian dhe implementohet nga Qendra Aleanca Gjinore për Zhvillim, në partneritet me Together for Life dhe Institutin e Kulturës Rome në Shqipëri . Qëllimi kryesorë i iniciativës është përmirësimi i trajtimit dhe referimit të rasteve të DhBGJ në kujdesin shëndetësor parësor nëpërmjet, forcimit të kapaciteteve profesionale, me qëllim ofrimin e shërbimeve efektive për viktimat.

Aktivitetet e planifikuara do të punojnë drejt arritjes së objektivave specifike si më poshtë:

• Realizimi i një procesi gjithëpërfshirës ndërgjegjësimi dhe rritje kapacitetesh për zbatimin efektiv të praktikave ekzistuese në identifikimin dhe referimin e rasteve të DhBGJ nga strukturat e kujdesit shëndetësor në nivel vendor.
• Rritja e kapaciteteve të profesionistëve të kujdesit shëndetësor parësor përmes trajnimeve, duke synuar shërbime më të sigurta, më të efektshme dhe më të ndjeshme ndaj viktimave të dhunës me bazë gjinore.
• Rritja e ndërgjegjësimit të komunitetit, veçanërisht i grave dhe vajzave, mbi rolin e qendrave shëndetësore në identifikimin dhe referimin e rasteve të dhunës me bazë gjinore, përmes materialeve informuese të shpërndara fizikisht dhe online.

Qëllimi i shërbimit

Në kuadwr te kwsaj nisme Qendra ALTRI po kwrkon ekspert për çështjet e dhunws me bazw gjinore për organizimin dhe zhvillimin e 10 takimeve ndërgjegjësuese dhe informuese me profesionistët shëndetësorë dhe gratë/vajzat e komunitetit në Bashkinë Tiranë. Qëllimi kryesor është ndërgjegjësimi mbi protokollin e trajtimit të DhBGJ, identifikimin e pengesave dhe mbledhjen e inputeve për trajnime të mëtejshme.

Rolet dhe përgjegjësitë që kandidatët:

Për zbatimin e projektit, Qendra ALTRI kërkon shërbimet e një eksperti për çështjet e DHBGJ që do të jetë përgjegjës për:

• Të organizoj dhe zhvilloj 10 takimeve ndërgjegjësuese dhe informuese pranë qendrave shëndetësore;
• Përgatisë programin dhe skemën e takimeve, duke përfshirë agenda, materiale prezantuese dhe aktivitete interaktive;
• Zhvillojë dhe menaxhojë takimet me grupet e synuara (profesionistë të kujdesit shëndetësor, KVDHF,gratë dhe vajzat e komunitetit të Tiranës;
• Mbledhë inputet dhe sugjerimet nga pjesëmarrësit për të përdorur si bazë për trajnime të mëtejshme;

Kërkesat

• Diplomë universitare në Shkencat Shoqërore, Psikologji, Shëndet Publik, ose fusha relevante.
• Përvojë minimale 3 vjet në organizimin dhe zhvillimin e trajnimeve/info sessions
• Njohuri të kuadrit ligjor dhe protokolleve për DhBGJ në Shqipëri.
• Aftësi të shkëlqyera komunikimi dhe prezantimi për grupe të ndryshme.
• Përvoja me qendrat shëndetësore dhe profesionistët e kujdesit parësor do të konsiderohet avantazh.

Procedurat e aplikimit:

Aplikantët e interesuar duhet të dorëzojnë dokumentet e mëposhtme:

• Curriculum Vitae;
• Ofertë financiare (preferohet në monedhën Euro).
• Metodologji pune

Për çdo informacion të mëtejshëm ju lutemi kontaktoni në adresën e mëposhtme: teisa.kurti@altri.al

Afati i fundit për paraqitjen e aplikimit është data 1 Tetor 2025, jo më vonë se ora 23:59.

Aplikimi mund të dërgohet me email në adresën e mëposhtme:

teisa.kurti@altri.al