Shërbime dizjani grafik dhe printime

Informacion mbi sfond ALTRI Center

ALTRI është një organizatë jofitimprurëse me natyrë shkencore, kërkimore, profesionale dhe kulturore, e themeluar në vitin 2011. ALTRI synon të arrijë, kryesisht nëpërmjet kërkimit, vlerësimit, ndërgjegjësimit, avokimit dhe lobimit, si dhe hartimit ligjor, objektivat e tij. lidhur me çështjet e qeverisjes së mirë, sundimit të ligjit, decentralizimit dhe integrimit në BE, në dritën e përafrimit të legjislacionit vendas me acquis. Qendra ALTRI ushtron veprimtarinë e saj në përputhje me Ligjin nr. 8788, datë 07.05.2001 “Për Organizatat Jofitimprurëse”, Statuti dhe Aktin e Themelimit. Qendra është e regjistruar në Regjistrin e Organizatave Jofitimprurëse pranë Gjykatës së Rrethit Gjyqësor Tiranë, me Vendimin nr. 705, datë 16.12.2011. ALTRI ka zbatuar disa projekte që kontribuojnë në qeverisjen e mirë, forcimin e shtetit të së drejtës, rritjen e transparencës, efikasitetit dhe llogaridhënies së institucioneve publike, informimit ligjor dhe edukimit të qytetarëve, si dhe mbështetjes së institucioneve publike në procesin e përmirësimit të legjislacionit dhe hartimit të akteve juridike.

Qendra ALTRI po zbaton nismën “Fuqizimi i grupeve vulnerabël përmes edukimit ligjor për shërbimin social!” me mbështetjen financiare të Agjencisë për Mbështetjen e Shoqërisë Civile , synon të fuqizojë grupet vulnerabël me edukim ligjor mbi shërbimet sociale të disponueshme për ta. Në këtë drejtim, një paketë e plotë që paraqet të gjitha shërbimet sociale të parashikuara nga legjislacioni shqiptar do të prezantohet në formën e materialeve informative/udhëzimeve të shkurtra për të lehtësuar kuptimin e dispozitave për çdo shërbim social të mundësuar, si dhe për të treguar hapat konkretë për aksesimin e tyre.

Aktivitetet e planifikuara do të punojnë drejt arritjes së objektivat specifike si më poshtë:

• Sigurimi i një pakete të plotë informacioni në lidhje me dispozitat ligjore për shërbimet sociale të disponueshme për grupet vulnerabël;
• Informimi dhe edukimi ligjor i grupeve vulnerabël lidhur me shërbimet sociale dhe ndihmën juridike falas, me qëllim rritjen e aksesit të tyre në këto shërbime.

Qëllimi i shërbimit

Në kuadër të nismës “Fuqizimi i grupeve vulnerabël përmes edukimit ligjor për shërbimin social!”, Qendra ALTRI kërkon ofrues shërbimi për shërbime dizjani grafik dhe printime me qëllim realizimin e produkteve  të parashikuara në kuadër të kësaj nisme.

Rolet dhe përgjegjësitë që kandidatët duhet të përmbushin:

Për zbatimin e projektit, Qendra ALTRI kërkon ofrues shërbimi për shërbime dizjani grafik dhe printime i cili do të jetë përgjegjës për:

Kërkesat

• Subjektet duhet të jenë të regjistruar dhe licensuar rregullisht me objekt veprimtarie shërbimet e kërkuara;
• Përvojë profesionale në dizajn grafik ose menaxhimin e projekteve kreative dhe printimeve;
• Aftësi në zhvillimin e materialeve vizuale për fushata marketingu, publikime, ose platforma dixhitale.

Procedurat e aplikimit:

Aplikantët e interesuar duhet të dorëzojnë përcjellin informacionin e mëposhtëm:

• Oferte financiare sipas tabelës së mësipërme, e cila duhet të jetë në ALL dhe TVSH të përfshihet në kosto/çmim;
• Ekstrakt nga Regjistri i Biznesit;
• Curriculum Vitae/Portfolio (opsionale);

Për çdo informacion të mëtejshëm ju lutemi kontaktoni në adresën e mëposhtme:

teisa.kurti@altri.al

Aplikimi duhet të dërgohet në gjuhën shqipe në adresën email teisa.kurti@altri.al

Afati i fundit për paraqitjen e aplikimit është data 8 Nëntor 2024.